Hilabetea: martxoa 2008

Urrezko barrabilak

XANPAIN BOTILARIK GARESTIENA
Dom Perignon xanpaina jada ez da munduko xanpainik garestiena. Perrier-Jouet izeneko xanpainak kendu dio ohorea. Xanpain berri horren salneurria: 4.166 euro botila bakoitzeko. 12 botilako multzoetan salduko dute, 50.000 eurotan. Eta erosleak aukera izanen du Champagne eskualdean dagoen Epernay upeltegia bisitatzeko (haiek egiten dute xanpain garestitxo hori); eta erosleak xanpainari nahi duen likorea gaineratzeko aukera izanen du; eta erosleak bere sinadura etiketetan paratzeko aukera izanen du.

PISURIK GARESTIENA
Londresko erdigunean dagoen pisu bat 152 milioi eurotan saldu dute, duela gutxi, eta baliteke munduko pisurik garestiena izatea. Saint James plazan dago pisua, Gobernuaren auzotik eta Buckingham jauregitik gertu. Diotenez, 1930eko urteetako eraikina da, eta zaharberritze lan handia behar izanen du. Bigarren eskuko etxebizitzetan ohikoa denez…

ALDERDI GARESTI(EN)A
Izquierda Unidak sekulako kolpea hartu du Espainiako hauteskunde orokorretan. Eta ahulak ahuleria berekin daramanez, kolpe horrek ondorio politikoak eta ekonomikoak izanen ditu. Llamazares badoa, eta IUk 15,8 milioi euroko zorra omen du. Alderdi ezkertiarrak zail samar izanen du zor hori kitatzea. Are gehiago, zor horretako 8,5 milioiren bermea Madrilgo Olimpo kalean duten egoitza omen da, eta zorra ez badute kitatzen, egoitza kenduko diete. Ai, ai, ai

Continue Reading

UPN eta Google

Argi dago UPNkoek Google erabiltzen dutela, baina ez dago hain garbi Google erabiltzen ote dakiten. Oraingoan, Berriobeitiko (Nafarroa) kontu batean egin dute hanka-sartzea, bilatzailea gaizki erabiltzeagatik.

Kontua da Berriobeitiko Udalak hitzarmena sinatu duela Hizkuntz Eskubideen Behatokiarekin, euskararen telefonoa martxan jartzeko udalerrian. Eta hara non, Berriobeitiko UPNkoek hitzarmen hori sutsuki salatu duten Behatokiak Etxerat elkartearekin harremana duelako. Noski, Googlen “Behatokia” bilatuko zuten: eta hiru webgune aurkituko zituzten:

– www.behatokia.org (hizkuntz eskubideena; Kontseiluak sortua)
– www.behatokia.info (giza eskubideena; Etxerat, Gurasoak, TAT… elkarteek sortua)
– www.behatokia.net (euskal ziberkulturarena)

Eta, jakina, gehien interesatzen zitzaiena hautatu zuten hiru horien artean, nahiz eta bilatzailean bigarren postuan agertu. Eta, jakina, Nafarroan eskela gehien argitaratzen duen egunkariak tartetxoa egin dio gaur salaketa oker horri.

Continue Reading

Damutuez

Otoitz egiten dakiena eta horretan sinesten duena has dadila lanean, Patxi Baztarrikari gerta ez dakion Aingeru Epaltzari gertatu zitzaiona:

* Aingeru Epaltzaren Bezperaren bezpera liburu gomendagarritik hartutako pasartea.

Continue Reading

Featuring WPMU Bloglist Widget by YD WordPress Developer