<\/p>\n
Irail batez, Gudari Egunarekin, liburu azokara<\/p>\n
eraman gintuen amak, familiakoak bisitatzera.<\/p>\n
Manifa ostean poliziak gogor eraso zuen,<\/p>\n
Miguel Sanchez-Ostizen azkenaren salmenta<\/p>\n
kolokan jartzeraino oldarkor.<\/p>\n
<\/p>\n
Ofentsiba haren unerik kritikoenean<\/p>\n
mostradore azpian ezkutatu genuen<\/p>\n
zakurren borretatik ihesi zetorren gaztea.<\/p>\n
Disimuluz, liburuak erosi eta saldu genituen,<\/p>\n
polizien begiradak iaioki driblatu bitartean.<\/p>\n
<\/p>\n
Liburu-saltzaileen familia batean sortzea<\/p>\n
abentura da, eta hori ez da abantaila bakarra,<\/p>\n
liburu edo diskoen faltarik ez baitugu sekula izan.<\/p>\n
Garaiko pilotakada eta ke poteen neurrian<\/p>\n
izan ditugu beti eskura, nahi adina.<\/p>\n
<\/p>\n
Familiako liburu-dendetan pasatzen genituen<\/p>\n
arratsaldeak, liburuen prezioak lapitzez jartzen,<\/p>\n
gazte literatura saileko sekretuak desestaltzen.<\/p>\n
Letra arteko giro horrek, ordea, ez zigun<\/p>\n
irakurzaletasunaren bide maldatsua aski lautu.<\/p>\n
<\/p>\n
Gaur, sendiko oreka ezin harmonikoago hori<\/p>\n
pitzatu da, egoerak leher egin du eta mesfi dantza<\/p>\n
eta errezeloak nagusitu dira gurean. Baina, aizu,<\/p>\n
nola jakin ahal nuen nik heriozko bekatua dela<\/p>\n
Paul Auster nor den galdetzea.<\/p>\n
<\/p>\n
Enpin…<\/p>\n
Gora gure gudariak.<\/p>\n
Gora liburu-saltzaileak.<\/p>\n
<\/p>\n
Irail batez, Gudari Egunarekin, liburu azokara eraman gintuen amak, familiakoak bisitatzera. Manifa ostean poliziak gogor eraso zuen, Miguel Sanchez-Ostizen azkenaren salmenta kolokan jartzeraino oldarkor. Ofentsiba haren unerik kritikoenean mostradore azpian ezkutatu genuen zakurren borretatik ihesi zetorren gaztea. Disimuluz, liburuak erosi eta saldu genituen, polizien begiradak iaioki driblatu bitartean. Liburu-saltzaileen familia batean sortzea… <\/p>\n