Nortasunaren ifrentzua.

Nor bazara, ez zara inor.

Lege berdintasuna.

Denok berdin legegilearen aurrean, batere ez berdin lege-zaindariaren aurrean.

Bortz axola batzuei urruntze fisikoak, urruntze soziala gorde artean.

Egia bat eszeptizismo puntu batekin azaldurik, ez al da sinesgarriago suertatzen?

Zer baino zer kaltegarriago: burokraziaren hozkeria ala berokeria?

Zuk eta biok, bale nork bere buruari engaina diezaiola, ez ordea elkarri.

Lehen, Callejaren ipuinak edo istorioak deitzen genien. Garai-oste melenga eta pedante hauetan, errelato deitzen diegu.

Ideia-ama handiak guztiak erditzen dira ideia-alabez. Alta, ez beti zintzoez.

Edonork egin dezakegu ezer onik, asmorik txarrenarekin.

Bada, ez, ez dut zentzu arruntik izan nahi, berezi-berezia nahiago. Baina ezin, arruntarekin moldatu beharko.