Distirantago mantendu behar ideiak, armak baino.

Hauek garaiak! Liberalismoak liberalizatu egin du ustelkeria; sozialismoak, sozializatu nahi.

Bereizi, armak bereizten zituen banan-banan amultsuki; etsaiak denak, multzo bakarrean.

Armek etsaiak dituzte maite.

Infantilak iruditu hainbat arrazonamendu, eta Tom Nairn-en izkribu batean harridura-galdera egokia aurkitu zuela uste izan zuen:

Laua da burokraten mundu politikoa: bertigo ematen die hirugarren dimentsioak.

Mitoa ez da deuseztatzen, eraldatu baizik ez da egiten.

Gatazka guztiak, sinboloz gainezka; alta, horrek ez ditu gatazkak sinboliko bihurtzen.

Mitoaren atzetik, beti, gezurra. Gezurraren errezela kentzeari ekin, sutsu, eta egiaren mitoa altxatu zuen.

Hain dira aseezinak non euren hitza ere jateko gai diren.