Makila gisa erabileraren erabileraz, Zuzenbide Estatuak okerbide estatusean galtzen gaitu.

Justizia dute legez kanpo.

Hobezina izateko ezin txarrago izan behar.

Gorroto gabe hiltzen omen duena, gorroto ereilerik oparoena.

Nahita ere ezin daiteke inor basapiztia izan: gaitz erdi kalte egiteko gure dohainak basapiztienak bezain erdipurdikoak izanen balira!

Askatasuna, bai, nork bere morala izateko; eskubiderik ez, beraz, nork bere moralaren izenean nahi duen guztia egiteko.

Itsuak, ikusi nahi badu, badaki jakin arazoa ez diola pintore batek konponduko.

Kale itsuan aterabiderik ez, atzera egin ezean.

Bidegabeki bidegintzari ekin eta bidegabe jarraitu.

−Ezer gutxi erraten diote Dabidi Goliaten argumentuek eta espantuek, bake bideari eusteko. Militaristak dira argumentu horiek ere.
−Eta, bederen, harako hartan bere bizitza baizik ez omen zuen jokoan jarri Dabidek.
−Are gehiago ere. Dabiden azkartasunak mugiarazi egin zuen, ongi mugiarazi ere, nekatu eta ahitzeraino, Goliat zurruna. Gaur,