Narrazio Handien hondamendi honetan, badago bat (agian bakarra) ez eta Derridak ere dekonstruitu ezin izan duena: Atilarena.
Month: maiatza 2008
Askotarikotasunaren ifrentzua
Hauts narrasa hausnartu
Narrazio Handi sutsu haiek euren garretan kiskali ziren eta oinpeko belardiak errauts bihurtu: orain hausnartu ezinean gabiltza hauts narrasean.
Hegan eginen badugu
Gaurko adabakiekin josi beharko biharko kometak.
Memoriaren lausoak
Iraganeko lehengaiekin, bai, baina oraineko lanbroek oratzen dizkigute oroitzapenak.
Testuen autonomia edo independentzia
Fernando Pessoaren niaren biderketa ariketak muturreraino eramanik, Joxe Austin Arrietak bere ni ezberdin hainbaten bidez sartu da gogoetetan gaurko Euskal Herriko kalezulo politiko honetaz. Erdi saiakera erdi nobela omen den honetan, zorionez, nobela gisako tratamenduak ematen dizkio xarma eta balio bereziak Terra Sigillata obra honi. Joan den hilabetean, apirilaren 6an plazaratu nuen Berrian hurrengo iruzkin hau.
D D D
Idazle baten eskutik ateratzen diren testuek badute hartzen bizitza propioa, egilearen asmoez haratago: irakurleak hartzen du parte birjaiotze horretan, hainbat eta emankorrago zenbat eta jantziago izan irakurlea. Horretan datza, zentzu sakonean, baieztapen zahar haren funtsa: alegia, egileak direla euren idazkien jujerik kaskarrenak. Dena dela, jakina, ez gorpu, bizirik baizik, jaio behar du testuak, irakurlearengan sormenaren zirrara eraginen badu.
Harriturik utzi ninduten Terra Sigillata-ren aurkezpeneko egilearen hitz batzuek:
Argiegia
Argi eta garbi hitz egiten zizun, zure itzal guztiak ezabatu guran. Koitadua, berau! Lapurtu nahi zizun pentsatzeko ahalmena, konturatu gabe berea ere zapuzten zuela zu mutu uztean.
Iraultzaile instituzionala
Erran beharko (genuke)
Poza susmatzen zaien kritikek, pozgarri gutxi; sumina darienak, pizgarri.
Fenomenologia berria
Moderno zirenean, itxuraren atzetik bazuten izaterik, euren izateak zuen itxura. Gaur, postmoderno direla, itxura huts dute izatea: irudigintzaren fenomenologia.