Hitz gutxi, bakoitza bere lekuan eta elipsiak elitro hegalari.
Month: urria 2008
Heldutasuna
Hamalau urteko gizontxoak:
“Ez ezazu nahi bertzeentzat…”
Eredugarria, alajaina, enpresari dominadun hura: bertzeentzat nahi ez zuena nahi zuen berarentzat.
Etika eta bakarra?
Ortzirala heldu arte zer etika izanen du Robinson Crusoek?
Etiken patetismoa
Nolako pathosa, holako ethosa.
Agian
Egian baino, egiaren hegian hobe. Agian.
Begiak zorrotzegi, logika itsu
Gero eta terrorista gehiago ikusi inguruan, eta gero eta hurbilago antzeman bere garaipena.
Euskal txitxarra
Zenbat amets gureak, euskarak hegan egin dezan egunen amaieraraino! Zenbat hobe, aldiz, txitxarrek bezala erabiliko bagenitu hegoak, egunak iraun artean gure doinua entzunarazteko!
Gramatika latza
Sarritan, hil ala biziko disjuntzioan, hil eta biziko konjuntzioa: inork bertze inor hil behar, bera biziko bada.
Epaile barkaberak
Tortura-frogen ikerketari uko egiten dioten epaileek, frogatutzat jotzen dute tortura. Eta barkagarritzat.