Badago sinesten duenik demokraziaren
Month: maiatza 2009
Garantismoa
Estatuaren izaera bermatzailea, batzuen ustez: agintearen larderiei berme ematen diena.
Natural
Kontranaturako itunik? Oso gutxitan: segurik, itunkide bat gutxienez natural-natural aldatu da izaeraz.
Gure kausak
Giza hizkuntzak
Gizaki egin, soilik hizkuntza jakin batzuetan mintzatzeak egiten gaituela dioenak, gizaki plantak egin ditzake berak, isilik egon artean.
Zibilizatu ezinean
Herri zibilizatzaileak dira hobekien frogatu dutenak zibilizatu ezinak direla.
Zibilizazio bakarra?
Kulturak guztiak, bertze guztiak baino zibilizatuagoak.
Burua greban
Ez nekien neure buruaren jabe nintzenentz, baina badirudi baietz: hogeita lau orduko greba egin dit buruak.
Agintekeriaren urrezko arau bat
Konpondu nahi ez duzun arazo horrexek libratuko zaitu konponezin dituzun bertze arazoetatik.
Argien Aro hasiera
Platon gidari, trogloditen bila abiatu ziren ideiak; Platonen kobazulotik, ideien bila irten ziren buru argizaleak. Bildu omen ziren behingoz, petralki: itzaldu egin ziren ideiak, petraldu, antza denez, buruak.