Osasun utopia

Eri hiletsiak uharte bat aurkitu zuen, han gelditu eta, bertzerik gabe eta ezustean, sendatu egin zen. Eri gehiago hasi zen gero hara joaten, eta berdin. Panazea bataiatu zuten uhartea, eta mapetan kokatu.

Potentzia farmazeutikoak horretaz ohartu arte. Mapetan ikusi bezain laster, hura babestu, hesitu eta izena aldatu zioten uharteari: Plazebo birbataiatu eta luxuzko turismo-gune bihurtu zuten.