Jatorrizko kulpa

Jatorrizko Bekatuaren gainean eraikitako zibilizazio honi, ezinbertzez, errugabetasun ustekizunaren printzipioa aurreiritzi sinestezin zaio; gehienez jota, froga batzuek eta gero sinestekoa. Beti ere, sineskizun.

Jaiotze markaren galera.

Giza izaerak baditu bere erraietan sarturik uste baino har gehiago, pentsarazten digutenak Hitler baten gizagabekeriak ez zirela izan historiako zulo errepikaezin bat, pentsarazten digutenak ez dagoela gizagabekeriarik, giza ankerkeriak baizik, gizatiarrak, gizatiarregiak. Atzoko Berrian plazaratu nuen beheko liburu-iruzkin hau.

Δ Δ Δ

Nancy Huston, Jaiotze markak eleberri honen egilea, kanadarra sortzez, Frantzian kokaturik hamalau urtetatik, elebiduna da. Ama hizkuntza, ingelesa; frantsesa, aldiz, gaztetan ikasia. Bi hizkuntzetan idazten du berdin, berak itzultzen dituelarik gero bere obrak bertze hizkuntzara. Eleberrietako pertsonaia eta giroaren arabera hautatzen du bata ala bertzea. Eskuartean duguna, ingelesez idatzia,