Hegazti ergel deitzen badiegu guk lurrean, haien ingurumenetik kanpo, dorpe ibiltzen direlako, nola deituko ote digute beraiek, euren ur-ingurumen hotz-hotzean mugitzen ikusten gaituztenean? Ez da eztia Andrei Kurkovek asmaturiko metafora, pinguinoarena alegia, Ukrainako gizarte postsovietarra nola ikusten duen adierazte aldera. Fabula beltz eta hotz-hotza eskaini digu eleberri honetan. Atzoko Berrian egin nion beheko iruzkin hau.

Δ Δ Δ

Andrei Kurkov errusierazko idazle ukrainarra arrakastatsua da bere eleberrien itzulpenetan. Idatzi dituen erdiak itzuli dira, eta gaurko hau, euskaraturiko lehena, hogeita hamahiru hizkuntzatan dasta omen daiteke dagoeneko. Piknika izotzetan izenburua nahiago izan du Olga Mtz. de Marigorta euskaratzaileak, nahiz eta Kurkovek 1996an, eleberriaren lehen argitalpenean, bertze izenburu bat jarri zion, Arrotz baten heriotza euskara genezakeena. Edonola ere, Kurkovek berak ere aldatu zion titulua hurrengo inprimaketetan, hain juxtu euskaratzaileak hautatu honetara pasatzen. Gure inguru kulturaleko erdaretan zorte anitzetako izenburuak aurki ditzakegu: Picnic sobre el hielo gisa ere atera zuen lehenbizi Plaza & Janesek, baina Muerte extra