Month: apirila 2012

Fabulak fabula…

Enpresari, finantzari handiak eta euren morroi tekniko eta politikoak ezinean dabiltza gutxieneko maila lortzeko ekonomia ikasgaian. Berreskurapen plan bereziaren beharrean daude. Proposamen bat: Esopo alegialariarengan murgiltze plana. Baliteke, adibidez, Urrezko arrautzen oiloa askoz aberasgarriagoa izatea ezgai hauek berauek kontatzen dizkiguten fabula eskasak baino.

Erantzukizun konstituzionala

Epaile batek inork zuri kontuak eskatzerakoan ezgai zarelako agiria sinatu, eta ondasun guztiak eskuetatik kenduko dizkizute. Konstituzioak erregea batere erantzule ez dela aldarrikatu, eta, kontuak eskatzeari zertan erantzun gabe, guztion dirua eskuak betean xahu dezake erregeak.

Biharrik gabeko ametsa

Giza izaeraren alderdi doilorrenetako batek eraman du, historian zehar, gladiadoreetako edo gizakiak eta piztien arteko borroketako zirku-festetara, justiziazko urkamendu edo surtan kiskaltze edo laurdenkatze publikoetako ikuskizunetara, eta, modernoago, gizakien arteko bortizkerian oinarrituriko boxeo bezalako kiroletara edo zezen-plazetako odol isuri

Helmugako podiuma helburu?

Herri politikan, pultsuan irabazi behar lidergoa, ez ukondoka. Ukondoka jokatuz gero, zeure jarraitzaile leialak izanen ote dituzu helmugan ukabilak gora, baina zure ukabilak aldarrikaturiko helburua oraindik ere abiatzeko zain. Ala erran gabe ote zihoan helmuga horixe zenuela helburu?

Bere mundu maitea

Hain zegoen munduarekin maitemindurik, non ezin bizi, ikara batean bizi baitzen noizbait munduari utzi beharko zion. Harik eta imajinatzen hasi zen arte mundua ikara batean, noizbait munduari berak utziko zion hutsunearen beldur. Beteago bizitzen hasi zen, lehen bezain maitemindurik.