Iraintzeko dohaina

Ongi iraintzeko dohainik behar, baina doako iraintzaileak, bere iraina ispilu.

Fosil haietatik…

Abstrakzio fosilak dira kontzeptuak. Baina fosil horiek gabe, pentsamendu bizirik?

Zenbat jenderi ez ote diote amaiera ekarri gutxi batzuen printzipioek?

Etikarik gabe, den-dena libre? Alta, etika batzuek belzkeriak oro zuritzen dituzte.

Badaezpadako helburua eta zirti zarta bitartekoak? Ezbairik gabeko ukoa helburuari.

Ondare unibertsal da ergelkeria: zurea ere bai, iritzi-emaile hantuste hori!

Teknika, politikarien eskuetan, burugabe; teknokraten eskuetan, ez buru ez bihotz.

Premisa irrealetatik, ondorio ezin errealagoak atera, guk pairatu beharrekoak gero.

Mundua ezagutzeko bideak hesitzeari ekiten diote hedabide handiek.

Askoz politikari gehiago konbertitu dira zaldira igotzean, zalditik erortzean baino.