Bidaiarien nomadismoak ideia sedentarioak ibilarazi.
Month: maiatza 2013
Alferrikako bidaiak
Hain bidai zalea non leku guztietan etxean bezala sentitzen omen zen. Horiek bidaiak horiek! Zertarako, bada?
Deseredatuen klaserik?
Ez dago klase deseredaturik, herentzia jasotzaileen ustez. Eta berauek arrazoi: zer herentzia galdu dute haiek?
Kale egin?
Gehiegitan, ideiak nahitako lurrean errotu ez, eta airean herratu: zabor espazial gisa edo, agian, bertze nonbait errotzeko gero.
Filantropiaren aberastasuna.
Humanitarismoa, denon eskura dagoen sentipen hori; humanismoa, pentsatu nahi duenaren eskura dagoen pentsamolde hori; filantropia, aberatsen luxuzko kontsumorako jokamolde hori
Eskua ezkutatu
Merkatua Esku Ikusezinak zuzentzen du, omen, baina ikusgarriak dira eskuaren jabeak, merkatua amildegira zuzentzen dutenak.
Gaztaroaren debaluazioa.
Gazteak: lehen, etorkizun prometagarri baten irudi; gaur, etorri zaigun infernu honen argazki.
Historiako aurrerabidean.
Giza aurrerabide indize bat: gaur, inoiz baino eraile gutxiagok eraildako askoz gehiago.
Indarkeria banaketa
Zenbat eta biolentoagoa boterea, hainbat eta zailago du biolentziaren monopolioa.
(Manera) Zaharrak berri.
Inoren alde ager zaitezke ildo nagusian, eta hari kritika egin kontu zehatz batean. Baina kritika zehatz honengatik bere ildo nagusiaren aurkakotzat jotzen bazaitu, berak arrazoi: oker ibili zara haren alde agertzean.