Hain zuzen!

Politikoki zuzenek, hizkeraren zuzentasuna etsai.

Polizia-eredua

Eztabaidetan, kalifikatzea bale, deskalifikatzea kale.

Nahi nuke ispilu izan, kristalaren gardentasun ikusezina zilarbiziz estalita bakoitzari berak merezitako isla oparitzeko!

Ez beti arrazoi, eta inoiz ez, seguruenik, arrazoi osoa.

Kirofano neoliberalak: eskubideak mozteko eta protesi polizialak jartzeko.

Ezker-maingutasuna, ezker eta eskuin antitetikoen sintesi neoliberala.

Liberalismo puru-purua: ondasun natural guztiak bezain urri denontzat, libertatea ere pribatizatu eta erosi behar.

Engaina gaitzazue lotsagabe, baina gorde lotsa pittin bat, behintzat, gure inozotasunari.