Ω, Α da.

Mikroipuinek amaieran izan ohi dute alfa.

Tradizioen asmamen bizia.

Folklorizatuz ez, klorofilizatuz bizirauten dute tradizioek.

Mugiezina izanen litzateke zure mundua, zure aurkariak inoiz izanen ez balu arrazoi izpirik.

Etsai bat diseinatu, haren akabatzea herri ezontsaren amaiera izanen dela sinestarazi, eta herria ezjakin bera denik diseinugilearen etsaia.

Oihartzuna isildu nahi eta amildegian behera bota zuen.

Eman orori, gizalegez, bigarren aukera. Aukera bakar bat sikiera ematen dizutenei zeuk haiei gero bigarrena emateko.

Bakarrik ahal duenak sumintzen bagaitu, zenbat ahaldun! Zenbat aurpegiren agerpen hutsa ez ote zaigun iraingarri!

Sutsuegiak su eman nahi edozeini.

Hain independenteak espainiar auzitegiak, non independentzia hazitegiak bihurtu diren.

Galdegai gabeko erantzun bat bezain ulertezina.