Alferrik etsiena

Alferkeriak jotzen zaituenean baita ohera joateko ere.

Buru langileen esku babak.

Aliketak bezalako ideiak zituen: adierazten zuena adierazten zuela, bere hatzak harrapatzen zituen beti.

Ez bota nitaz hitzik ere neure ezkutuan, baina ez bota niri aurpegira ene kontu guztiak.

Gaueko ordu txikiek txiki eginda, aho zabalka langile prekarioa, ez dakiela ongi logurak ala goseak eraginda. Maleziak ez, behintzat.

Nik, erromatarrak, aukeran, eroak nahiago ditut, zentzudunak baino.

Aforismoak pentsuari, Donostiako pintxoak mahai jantziei zaizkiena? Ez horixe! Preziorik ez dute aforismoek, ezin saldu.

Tribu etnikoen asmakuntzatik hiri-tribuen mafiologiara, eta hauetatik marketako estetika-tribuetara. Errentagarria asmakuntza!

Nork, bere egien arabera, bere gorrotoak. Eta bere gotorlekuak.

Telebista sare nagusiek etxekotzen al dizkigute urruneko kontuak, ala berauen fokuratzeak etxekotu egiten al gaitu gu geu?

Argi horia keinuka, berdearen zain hainbat jenderen proiektuei laguntzeko, eta gorrira doakit berriro ere plastikozko urrea.