Denok izan gara gazte, batzuk behiala, baina gazte jarraitzen dugulakoan gaude. Zorionez?
Month: apirila 2015
Plutokraten aritmetika
Plutokraten jakinduria eskasa aritmetikan: batuketa eta biderketa dibidenduetan ongi, baina kenketa zatitzaileetan baizik ez.
Hortzak erakutsi
Gizatiarra da, oso, ez, aldiz, gizabidetsua, hortzak erakustea. Baina hortzen lekuan jostura puntuak baizik ez duzunean, ezin funtsezko ezer jan, ezin ongi hitz egin, are, lotsa ematen dizu irribarre gizabidetsuak banatzea ere.
Ofizioz
Ba daude ofizioz tronpatu izan gabe tronpatzaile direnak ofizioz.
Demokraziaren estutasunak
Baztertu ezinak zaizkio alderdiak demokraziari; baztergarria zaie demokrazia hainbat alderdiri.
Robin Hood eredu
Bulego basoetako harako Robin haren irudi berria? Hala dirudi: lapurretak legeztatu, eta filantropia predikatu.
Malgutasuna helbide
Hainbat urtetako zurrunkeria aldatzeko, malgutasuna beharko.
Bifasikoak
Bipartidismoaren etsai horiek, bietako bat izan arte.
Beroaren beroz
Klima aldakuntzak planeta bera baino gehiago berotzen ditu diskurtsoak eta ezin hoztu gobernuen arduragabekeria.
Zezen kultura
Zezenek liluratzen nautelako gorroto diet zezenketei.