Zureak egin

Errealitateari uko egin, eta harekin batera zuk zeure burua desagerrarazi.

Egia erratera…

Egia erratera, ez nauzue edozein egiaren zale. Are gutxiago nornahiren egiaren zale.

Egiazale oso, gorroto zituen gertaeren kontuetan; egia erdiaren zale mokofin, maite zituen gertaerenetan.

Denboran irauten baduzu, denbora iragaten delako da.

Auzoen arabera doa justizia, eta behe-auzoetan barna injustizia.

Ezkerretik zero eduki eta ezkerreko zeroa izan nahi.

Zenbat eta nardatuago ni historiaren filosofiez, hainbat eta emanago historia/esperientzia kontuan duen filosofiara.

Anomalotzat jo gintuzten aspaldi, eta anomalia geuk normaltzat jo izan dugunez, are auto-identifikazio anomaloagoak gureak.

Ez dut sinetsi nahi giza(t)-eria naturari sorturiko minbizia denik.

Ez harako garai haietan nazionalistek behartu zidatelako, bihotz-bihotzez baizik, gustatuko litzaidake gaur espainieradun izatea.