Hitz/neke-jario

Gaitz erdi nekeak hartu izan balio gaina jendea nekatzen! Ba, jai, berak hartu zion neurria bere nekeari, bertzeena neurtzeko ezgai.

Tentsioa eta politika

Gustuko platera, politikari asko pure eginda! Tentuz ibili behar, alta, tentsioarekin.

Ez, ez dira guztiak berdin. Politikari anitzen erroreak onuragarriak dira. Bertzeenak, kaltegarriak.

Ordezkaritza zabalena, zeren ordezkagarritasunari esker lortzen da?

Nola jakin gozatzen sufritzen jakin gabe?

Zein erraza, narraziogintzan, asperdura performatiboki transmititzea! Alta, bere prezioa du: egilea bera aspertzea idazten.

Ortodoxien alde on bakarra: heterodoxiak sortzen dituztela. Heterodoxien arrisku handiena: ortodoxia berri bilaka daitezela.

Justizia, protokolodun mendekua baino ez da izan historian. Mendekua zuritzeko protokolo huts bihurtu zen gero timo/demokrazietan.

Zierto: kazetari abere otzanek ez dute gustuko euren garunak bazka ikustea askan. Horregatik doaz itsu-itsuan askara.

Aurrerapausoa torturaren aurka: historia osoan tortura lege-prozedura izatetik, gaur, torturen salaketa bera legez kanpo izatera.