Egiaren matematika

Bi egia-erdi saldu zidaten eta bi gezur ekarri nuen etxera.

Identitate kaleidoskopioa

Bertzeei esker ez zara zuk uste duzun hori.

Nazional-katolizismoan dena ez zen haien sadismoa: masokista nahi gintuzten gainera.

Ezer ez baduzu kontatzeko, pentsa ezazu nola kontatu zure ezereza.

Gure estoizismoaren beharra du neoliberalismoaren hedonismoak.

Osasun-erregistroa beharko al genuke hizkeretatik destilaturiko ideologientzat?

Pobrearen zorrak, amesgaizto hondagarri; dirudunarenak, gurpil zoro altxagarri.

Euskarazko kontsumismoak euskararen osasun ona adieraziko luke, eta euskaldunen buru osasun kaskarra orobat.

Ene aise metatuz gero izanen dut aukerarik eskuzabal izateko.

Sinets iezadazu, egia diotsudan arren.