Futurista atzerakoiak.

Futurista horiek, etorkizuna amu gisa eskaintzen digutenak euren gustuko orainean euren aise jarraitzen utz ditzagun.

Kargudunen deskargua

Kargudunen deskargu-orria: kargu hartzea kargurik ez dutenei, hots, deskargu egiterik ez dutenei.

Jainkoa dadotan ari ez. Bai, ordea, gizakia, kristorenak asmatu zituen arte: hari atxiki gero, eta bukatu zoriaren ziurgabetasuna.

Egiantza gutxiko egiak asmatzen dituzten bertsioak, egon, badaude. Horien aterpean gozo dabiltza apopilo gezurrik galantenak.

Diru ugalketa malthusiarra ezarri diete pobreei diru ugalketa librearen aldekoek.

Herioa ez doa bizitzaren aurka, bizitzak irekitzen dio bidea eta bizidunok zabaldu: gehiegitan, bertze bizidunak helmuga.

Ase eta gosearen arteko gerra bitxiak: gehienetan, gosea ase baten edo bertzeren zerbitzuan banatu da bere buruaren aurka.

Zu zeu errudun, ene irakurle hori, gertaera edo pertsona errealen kontakizunik/argazkirik antzematen baduzu narrazio honetan.

Newtonek grabitatea salatu arte gizakiek hegan egiten zutelakoan dauden horiek.

Nor burtzoroago? Zeure identitate ikurrak gozo hartzen dituzun hori, ala horrexegatik zu zeu traputzat jotzen zaituena?