Mahomaren ikasle, gehienetan, zentroa erakarri nahi duten alderdi politiko horiek.
Month: azaroa 2016
Fede neurrigabea
Zenbat praktika aurretiko teoriarik gabe? Zenbat teoria gero praktikan neurtu gabe? Baina, batik-bat, zenbat neurketa ez teoriei ez esperientziei jaramonik egin gabe? Hau ikazkinaren fedeko gizarte hau!
Hitza bereak egin
Zure mintzoa mintzo hegemonikoak bere egiten badu, jai duzu. Mintzo hegemonikoa zure egiten baduzu, haren menean zu.
Gizalegez
Bertute estimagarria da zintzo kudeaturiko hipokrisia.
Ortografia
Ortografia askatasuna, akastun.
Haurtasunetik umekerietaruntz
Haurtasuna, misterio. Misterio hori desestaltzean datza heldutasun bidean gure baitako umea hiltzen joatea.
Bidea bera alderrai
Bidexka, itzaltsu, loguratsu, eguzki zipriztinek noizean behin esnaturik, makurka zihoan errekaburuetatik.
Lagun susmagarria
Zain ezazu burua lagunengandik. Kontuz, gero, bakardadearekin, aurrez susmagaitz baita lagun hori.
Pentsamenduen mintzoa
Pentsamenduak mintzoan eragiten ez duenean, mintzoak eragiten du pentsamenduan.
Iraun
Iraupena aurrerakuntzaren kontra dago, geldikorra den heinean hain zuzen.