Hor dagoela uste duguna da errealitatea: hots, zurrun bezain kaiku zerbait badago, geure burua da, ez errealitatea.
Month: otsaila 2017
Post-historia?
Gaurko ezak ikertzerakoan post-paradigma guztiei jarraitzen dietenak historiko dira. Alta, Historia-ostean pausatzen dira.
Post-elefantiasia
Esnatu zen, eta elefantea desagerturik. Biek batera partekatzen zuten apartamentu estua hutsune erraldoi bihurtu zitzaion.
Kontu planetarioak, nonbait.
Sari literario horiek, non bigarren edo finalista huts gisa geldituak saridunak baino balio handiagoak izan ohi dituen.
Best-sellerren bikaintasuna
Bikainen saldua ez ohi da salduetan bikainena.
Premisa okerren mugak
Silogismo baten ondorio okerra den proposizio zuzen batek ez ditu premisak zuritzen.
Post-intelektualak?
Paradigma guztien ostean/‘post’etan omen gaude. Hau post-betekada hau! ‘Neo’ak sortzeko konpost ezin emankorragoa!
Isilaren hitz-jarioa
Hitz jarioa, maizegi, zerbait isildu nahiaren mozorro.
Autofagia
Frijiturik naukate ene erraiek. Berauen bazka neu mahaian.
Zaharrak berri
Bere etimologiaren despit, ‘neo’: ezer berririk ez, zaharra berriro ere baizik.