(H)a(u)r(ri)gintza

Jo eta ke harria edo haurra zulatu arte, hezkuntza ha(u)rgintza izanen bailitzan.

Autokritiken arazoa

Nor bere buruaren kritikaririk ezegokiena dela jakinik, zertarako eskatu inori autokritika?

̶ Robot huts bihurtu nahi gaituzte.

̶ Ez pentsa! Gutako bakoitzak geurez egin dezagun haiek nahi dutena dute xede.

Zerbaiten alde bizi garelakoan gaude, zerbaiten kontra bizi garenik konturatu gabe.

Nekaezin galdezka bizitzari zentzurik bazuen, eta ihes egin zion neka-neka eginik bizitzak.

Udaberriko urte haietan udazkenekin maitemindurik ni; udazkeneko urte hauetan, udaberriekin.

Gizakion joera ikaragarria, buru arrazoiduna jartzeko nahi burugabeen zerbitzura.

Ergelenoi ideia jenialak bururatzea baino askoz maizago gertatzen zaie jeinuei ergelkeriak erratea.

Denon eskubideak bermatzeko justizia sistema, guztion ondasunetan haien esku-sartze bideak bermatzen dizkiena.

Hiru gerra galdu eta hiruetan errautsetatik berpiztu zen. Laugarrena irabazi, eta bereak egin zuen.