Letradun eskasa

Gutxitakoa, bai, baina letretakoa zen.

Nork bere merituak

Gatazketan, badaude porrotak, zeinen jasaileek inbertsio itzelak egin dituzten porrota lortze aldera.

Indarraren arrazoia lehenesten dutenek ez diote muzin egiten arrazoiaren indarrari: haien ohiko sofismak lekuko.

Etorkizun gosea, uneko espekulatzaileen asea.

Kontuz eskarmentudunen azerikeriekin, jakina! Are gehiago eskarmentugabeen inozokeriekin, hauetaz denok ezjakin.

Webgune anitzen harpidetza doan izan daiteke. Haien irakurketen prezioa, aldiz, kario, farmazietan kitatzekoa.

Odol urdina ponpatuko ote zuen bere bihotzak, baina, denok bezala, gorria jasotzen zuten bueltan bere birikek.

Ezusteko mingotsen hausnarrean, listu-jario prometagarriagoa sortuko dizu zeure aise sukaldean aritzeak.

Erronka guztiak mehatxutzat jotzen dituenak, ezin dio erronkarik jo bere buruari.

Erronkariko klima, erronkari.