Otsail eroa,
atorra hertsagarri
zuriz jantzia.
Month: otsaila 2018
Buru potrosoa
Lotsari(a)k gabeko sinekdoke zaleak bere parteak bere buru osotzat jo.
Berandu
Damu, gehienetan, etzidamu.
Ergelak gu askotan
Ergelkeria bakoitzak hiltzera eramanen bagintu, ez litzateke gizakia izanen harri berean bi aldiz oztopo egin dezakeen izaki bakarra.
Bidegabekeria begi-bistakoegia
Hain begi-bistakoa, non ezin daitekeen egia izan. Horixe ez ikusiarena egiten duenaren ikusmoldea.
Progresismoa
Historiaren Aurrerabidearekin sinesten zuelako omen zen progresista. Konformista halakoa! Horrekin sinesten ez duelako saiatzen da progresista Historia Aurrerabidean eramaten.
E(ste)tika zekena
Bandera espainolak Kataluniako balkoi pribatuetan? Biba hi, to! Alta, Katalunia dela-eta Gaztela, Andaluzia, Euskal Herrikoetan…, hori zekenkeria!
Bizizalea
Une labur-labur batean munduko gazteena izan zen, inolako lehiarik gabe. Zer nolako lehia, ordea, segundo frakzio batean munduko zaharrena ere izateko!
Denerako ezdeusak.
Tontorik ezdeusena, denerako lanabesik erabilgarriena.
Lanegunak aukeran
Ene lanegunak erretiraturik, ez dute zertan batera joan astelehenek eta astelegunek, lan(aste)arteek ez bezala.