Nirvana politikoa

Bere nirvana lortu du behiala ilusioz beteriko alderdi horrek: ezin du jada inor desilusionatu.

Gabeziez beteriko auto-laguntza

Zoriona helburu, bere gabeziak bizikide izaten ikasi eta utzi egin zion haiek betetzeari.

Zeure barne barealdi horrek haserretuko ahal zaitu behingoz!

Eskuintzarra bere horretan beti, betortzak bezain luze, begi-labur: edozeini haginkadak egiteko gai.

Titulitis pandemia honetan, ez dago bere biluztasun akademikoa beztitu nahi ez duen politikaririk, zarpailez izanik ere.

Terrorismotzat jotzen duten guztia terrorismo izanen balitz, antiterrorista horietako zenbatek jarraituko luke terrorismoa salatzeko gai?

Arrazoi faltan arrazoiak fabrikatzeari ekiten diotenei lehengaiek egiten diete huts.

Gaitz erdi herriko ergelak baizik ez balu ahalmenik izanen ergelkeriak errateko!

Egon, badago jenderik ere denok ilargiari beha jartzea nahi duenik eta bere behatzari ez erreparatzea.

Egia beti iraultzaile. Inork ez du iraultzarik nahi. Ergo gezurrek salbatuko gaituzte.

Non, silogismoaren faltsukeria?