Paranomasia hutsa?

Gauza batzuez dudan nabil askotan, gogoangarri ala gogaikarri suertatzen zaizkidan.

Irudi itsusia

Lider politikoei nola ez ezik, erran beharrekoa ere irudi aholkulariek agintzen dietenean, irudi kaskarra politikariena.

Ezta deskuiduan ere, bere kabuzko ideiarik ez. Horrek bai pentsarazten digula.

Ez zekien hitz aspertuetan ibiltzen. Gai zen, aldiz, solaskidea aspertzeko ezagutzen zuen gai batez hitz egiten.

Ez ohi ditu adimenak piztu maitasun eta gorrotoak, bana haiek kudeatu, adimenak kudeatu beharko lituzke.

Autonomia guztietarako ezarriko balute Konstituzioko Laugarren Xedapen Iragankorra, adio “Espainia Bat, Handi eta Libre” lelo aldekoen beldurrari.

Etimologoak, manipulazioak higaturiko hitzen ekologista horiek.

Pertsona ona izan da. Neurri horretan, politikari ona batzuetan, eskasa bertzeetan.

Gezurti handia, engainari eskas.

Hizkuntzaren transmisio katea etenda, hain exotiko suertatu zitzaion bere arbasoen hizkuntza, non hura ikastera deliberatu baitzen.