Inuzenteen eguna

Espainiako hedabide handien ustez, egunak oro abenduaren 28a.

Moderatuak neurriz kanpo

Errotikako moderatutzat jotzen dute euren burua, neurriz kanpoko erradikaltasunarekin jo ere.

Zuzenbide Estatu horiek, non Zuzenbideari loturik jarduteko haien legeak hautsi behar ditugun.

Ekaitz ostean,

ekiak egurasten

kotoi zuriak.

Kataratak: oi

Niagara begietan,

lurrun jauzia!

Bazuen meritu: irakurleei amaiezin suertatzen zitzaizkien nobela laburren idazle aparta hura!

Zaharkitu ahala ezin pairatu sinplekeriarik, nahikoa dugu geureekin.

Kontzeptu sasi-berri bat ingelesez jantzi eta, horratx!, berri-berri gisa saldu.

Burusoil: buruaz bertzerik baliatzen ez dena?

Zesarrena zesarri, zer ez den zesarrena zesarren esku ez badago behintzat.