Lehen, jendea erakartzeko, irakurle saiatuarena egiten zuten demagogoek; gaur, analfabeto arrandiarena.
Month: martxoa 2019
Auto-fikzioa
Jende jantzi-jantzia, uste duena autofikzioa Paris-Dakarrekoa dela.
Moral hiltzaileak
Inor ez da ez immoral ez amoral. Egon badaude moral mota hiltzaileak.
Osagarri ez zuzenak
Idazle onak ongi ibili ohi dira subjektuak eta objektu zuzenak zehazten. Sarri, ordea, oker, zeharkako osagarriekin: aditzarena nori egokitzerakoan alegia.
Anbizio politikoa
Inora ez doa, jakina, anbizio puntu bat ez duen politikari bat; parte txarrera garamatzate, aldiz, anbizio pertsonalak baizik ez dituzten politikariek.
Bizitzaren transzendentzia
Baliteke giza bizitzaren transzendentziak funtsik izatea bere hutsaltasun immanentean.
Harro desenkusatu
Desenkusak, damu adierazpen baino gehiago, lidergo estilo berriaren eredu direnean.
Gozoki mikatzak
Inor ez du gozoki batek mikazten, salbu eta berari ez bertzeei ematzen dietenean.
Baldintzapeko bizitza
Egun bakoitzak, bere apo-dosia.
Kietismoa
Inork ziurtatzen ez zidanez hutseginen ez nuenik, hutsegiterik handienean erori nintzen: kieto geratu.