Hilobiaz haraindiko

Ultraliberalismoaren humanismoa, ultra ere bai: hilobiaz haraindikoa.

Osasun betekada

Jaki osasungarriekin obsesionaturik, osasun betekada batek hil zuen.

Miopeak, oso, dikotomien araberako mundu ikuskerak: ‘B’tik aurrerako letrak guztiak, ikusezin.

Hausnartu abelgorriek bezain ongi, eta errefusatu hanka sartzaileen okela.

Haien nafar batuketarekin bat egin eta garesti salduko dizute bizitza.

Bizi zaitez osasuntsu, osasuntsu hil nahi baduzu.

Ohoreak oro pailazoen inteligentziari. Desohore gorria pailazoarena egiten duen intelligentsiari.

Fede handiko gazte-jende hori, Hirutasun Ultraliberal Guztiz Sainduaren aurka hobe biziko garelakoan dagoena.

Baldintzazko perpausak, hain baldintza moteletakoak, non kontzesibo bihurtzen diren.

Pentsamoldeak, zeinen indarra hainbat jendek pentsatu nahi ez izatean datzan.