Ordenaren jainkoa.

Hasiera gabeko betierekotasunaren kaos mortal aspergarriari zaharkitze programatua ezarri zion Kronosek, eta bizitzaren ordena sortu.

Descartesekin bat

“Pentsatzen dut; beraz, banaiz”, baina, ai ene, pentsatzen dudana baizik ez banintz izanen!

Baliteke giza bizitzaren transzendentziak funtsik izatea bere hutsaltasun immanentean.

Elur maluten

dantza bakotarra gaur

ipar haizean!

Elurra ari du,

Dantza zuri astuna

Maluta horiena.

Nik azkura non, hortxe hazka egin bertzeak bere buruari

Zenbat eta muga gehiago, hainbat eta mugagabeagoa kontrabandoa.

Ai, udaberri eroa Argarena: ertzeko zuhaitzetako adarretara igo zaizkio urak.

Ene errealitatean zaitut eta zuk ni zeurean: hain lotuak, hain bertzelakoak, bi errealitateak.

Denbora: laugarren dimentsio hori, non bolumenak hostokatzen doazen.