Nortasunaren ifrentzua.

Nor bazara, ez zara inor.

Identitate fobiak

Bakoitzaren fobiak bere identitatearen parte dira, bai eta anti-identitarioen fobiak ere.

Erabiltzen ditugun terminoek, zenbat eta okerragoak izan, hainbat eta zuzenago erretratatzen gaituzte.

Izan nahiko zenukeen hori ere, izan, bazara.

Eguneroko eguzki berria, horixe originaltasuna, bitxikeriatzat jotzen ez dugun artean behintzat.

Aditz irregulartasuna: ni naiz neu; zuk sailkatzen nauzu; hark madarikatzen gaitu; guztiok gaude nahasirik.

Bere delirio etilo-poetikoetan, Vinogrado birbataiatu zuen Bilbo hiria malenkoniatsuki, Retrogadora bidaia prestatzen zegoela.

Exotismo zaleak bere mundua du erreferentzia.

Baldin bakoitza berak balio duena bada, atera kontuak, konpai, eta ez jarri zeure burua salgai.

Batzuen obsesio anti-identitarioek begi-bistan uzten dute euren identitate-obsesioa.