Gari garbia

Dena ez da gari, eta gari denean ere ez beti garbi, den jainko-haragizkoena ere.

Errealitate birtuala

Ebanjelioetako leziorik zuhurrena, Tomasena: sistema, kutxa, gorputz batekin sinetsi ahal izateko, eskua sartu behar.

Bazuen ene kaleak taberna ilun bat. Eta aldatu zitzaidan zoria: burbuila-orube bihurtu eta krisiak jo. Putzu beltza dugu gaur.

Arduragabekeriaren gurpil zoroa: arduragabeen erantzunbeharra.

Aro bakoitzak bere pikarokeriak, baina arlo guztietan pikarokeria berdintsuak.

Euren arima saltzeko prest, nahi dutena erostearen truke: merke, alafede, erosi nahi!

Et, et, et…, hipokresia ez da etika falta; etika gehiegi erabiltzea baizik, bat baino gehiago, noiz, zeren alde, zeren aurka…

Kale egitea, ote, hirigileen ametsa?

Eskrupulu profesionalak merkaturatzeko bere asmo nagusia bertan behera utzi behar izan zuen.

Legea ez jakitea ez da salbuesgarri; legea plaza onean txuliatzea, ordea, sarigarri.