Memoria trastetegi bihurtu eta edozein gomutarekin estropezuka.
Osasuna
Insomniodunaren loaldia.
Insomnioduna da, berau loak hartzen badu, hobekien hartzen duena.
Tabakismoa
Tabakoaren aurkako kanpainei jarraitzeko jarraitzen dut erretzen.
Espanturik?
Baliteke heriotza zuregana bat-batean espanturik gabe etortzea. Espantua, agian, zure senide, lagun, etsaiena…
Osasun betekada
Jaki osasungarriekin obsesionaturik, osasun betekada batek hil zuen.
Ontsa hiltzeko bidea, gaur egun.
Bizi zaitez osasuntsu, osasuntsu hil nahi baduzu.
Beganismoaren liderra
Beganismoaren lider paregabea berau, mugimenduaren filosofia haragiztatu zuena.
Nartzisismo neketsua
Nartzisismoaren aurkako botika: nork bere burua bertzeen begietan ikustea.
Txoritxarren zorionak
Zorionak opa izan zizkioten urte berrirako txoritxarrek eta zorioneko ospitalean hasi zen urtea. #haika #mikroipuinak
Lurrun jauzia
Kataratak: oi
Niagara begietan,
lurrun jauzia!