Edonork egin dezakegu ezer onik, asmorik txarrenarekin.
Estrategia
Gerra biologikoa
Mikro-zomorrotxoa arma, beraien esku ez dauden gobernu guztiei gerra biologikoa egin nahi diete Vox-zero eta PPlerdo horiek.
Nondik-gabezia.
Ez dabiltza nora-gabezian, nondik-gabezia saiatzen ari dira zuzentzen.
Arrazoiak vs. motiboak.
Politikan ere, gehiago agintzen dute motiboek arrazoiek baino.
Keinu politikoak
Keinu hutsezko politika, hutsal; keinugabea, hutsegile.
Politika keinukariak
Beharrezkoa da keinukariez baliatzea politika ere ongi gidatzeko; betiere noranzko egokiko erreian sartu nahiez gero.
Egurra, argudio.
Arrazoizkoa kausa, alde sutan jarri eta kausa bera erre.
Koroadun errepublika
Erradazue, demokrata dotore horiek: diktadore zenduaren izen-mailegariek demokrazia hau ekarri baziguten, nola ez sinetsi errege batek koroadun errepublika ekar diezagukeenik?
Lerro zuzena
Mozkor politikoen garaiak, non hain zaila den lerro zuzena mantentzea!
Buruak irauli
Badaude, egon, iraultzaileak euren burua irauli beharko luketenak.