Hautazko koherentzia

Anarko-liberalismoa kexu, estatuaren eskasiaz.

Kosmos-begitanduera

Mundu ikuskera gisako ideologietatik mundu begitazioetara.

Ideologia anitzetan, etiketa distiratsuak salgai matxuratuentzat. Sozialdemokrazia, agian, horren paradigma.

Politikagintza, berez, determinismoaren aurkako giza determinazioa da. Alta, zenbat ideologia determinista politikagintzan!

Ideologian birjina puru, politikagintzan antzu.

Halako bestondo batez ari izanen bailiran Postongizate Aroaz mintzatzen diren horiek.

Neoak, definizioz, paleo.

Gure amesgaiztoetako protagonista diren ameslari horiek.

Politikari bati entzutean ez ezker ez eskuin ez dela, bi aldeetako ene patriken zaintzari ekiten diot.

Ideologia maltzurragorik ideologia ez dela dioena baino?