Eskuina eta ezkerra ongi bereizten zirenean, eskuindar ibilbideko batek zioenean iraganeko kontua zela eskuin-ezker bidegurutzea, bietako bat: edo ezkerreko bidea ikusezin bihurtu nahi zuen eskuinekoa bakarra zelakoan, edo bere eskuindar lagunen aurrean zuritu nahi zuen ezker aldeko bidea.

 

Gaur, eskuindar ibilbideko batek dioenean iraganeko kontua dela eskuin-ezker bidegurutzea, aukera bakarra: eskuineko bidea bakarra dela erran nahi du. Hain ziur, non aurreko ezker ibilbidetik datorren batek berdin dioenean, eskuindar ibilbidekoak erran nahi duen horixe bera ere erran nahi duen.

 

Labirinto sintaktiko-semantikoa, ote? Labirinto bat da politika, nahitaez, eta labirintoek eskuin-ezker bidegurutze, bihurgune, bazter, txoko eta estalpeak behar ditu, labirinto izanen bada.