Gerra hotza, bake sainduan gerra prestatzeko bakealdia izan zen.

Hain absolutuki maite du bakea, non erlatiboki gorroto baitu gerra.

Zorte onari deitzeko, zurik ezean, bere kopeta ukitu zuen gudariak: soldadu eredugarri berau, zerrautsez beterik zuen kopeta.

Hegemonia nahiago badute biziraupena baino (Chomsky), Kanten kategoriak ez, Freuden tresneria behar dugu Arrazoia aztertzerakoan.

Herri zibilizatzaileak dira hobekien frogatu dutenak zibilizatu ezinak direla.

ETA kondenatu? Salba bedi, nahi badu! Neu, infernuan hobe!

Ez dago gerra humanitariorik, gizatiarra ez den gerrarik ez dagoen bezala.