Ezagutzaren ustelkeria.

Denok jakin nahi dugu eta gehienek gero ezjakinarena egin nahiago.

Mesfidantza gidari.

Guztion fidagarritasuna ontzat emateak guztion gaiztokeriarako ahalmenaren aitortza ere eskatzen du, bai eta guztion jokabidearen aztertzaileena ere.

Titulitis pandemia honetan, ez dago bere biluztasun akademikoa beztitu nahi ez duen politikaririk, zarpailez izanik ere.

Albistegiak ustel uzten ari dira buru-hilketaren tabua gurtelkeria giroan.

Ustelkeria legezko den heinean da ustela legedia bera.

-Garesti saldu du, antza, bere duintasun profesionala!

-Bai, badirudi inbertsio gisa zaindu duela hainbat urtetan.

Ustelkeriak baita sudurra ere usteltzen du.

Ustelkeriaz kexu agertzen zaigun jende anitzek norbere halitosiaz kezkatu beharko luke.

Ate birakariek ez dute bandarik: lapur-bandek jirarazten dituztelako, ote?

Politikari anitzen promesetan, ageriko hitzak jan osteko indigestioen beldur betetzen ote dituzte hain zintzo euren isilpekoak?