Eliteen pentsamoldeak

Elite organikoen pentsamolde eskasaz kanpoko pentsamolde alternatibo ezin aberatsagoen korapiloa: zein baino zein elitistago?

Herio, berdintzaile?

Heriok berdintzen gaituelakoan al zaude? Alta, askoz gehiago hiltzen da pobrezian aberastasunak itota baino. Baita ehunekoetan ere.

Ase eta gosearen arteko gerra bitxiak: gehienetan, gosea ase baten edo bertzeren zerbitzuan banatu da bere buruaren aurka.

Ene aise metatuz gero izanen dut aukerarik eskuzabal izateko.

Pobrea, zenbat eta zor handiagoak izan, hainbat eta pobreago; diruduna, zenbat eta zor handiagoak izan, hainbat eta dirudunago.

– Garesti ateratzen zaizkigu pobreak gero! –filantropo dirudunak–.
– Garesti ateratzen zaizkigu aberatsak gero! –behardunak–.

Herritarron diru batez bertzekoak goikoek edertu adina itsusten dituzte behekoek.