Hurkoaren adimena irekitzea burua aizkoraz irekitzea delakoan dagoen jendea.
adimena
Adimen emozionala?
Ez ohi ditu adimenak piztu maitasun eta gorrotoak, bana haiek kudeatu, adimenak kudeatu beharko lituzke.
Irakurtzeko moldeak
Irakurleok geure adimenaren arabera ulertu ohi ditugu testuak; alta, batzuek beren nahimenaren arabera baizik ez dituzte ulertzen.
Giza espeziea.
Gaurko gizakiok ez gara ez ausartenen ez indartsuenen oinordeko, beldurti inteligenteenen oinordeko gara.
Natural-natural, eskuindar
Eskuindar izan gaitezke kontzientzia-karga gehiegirik gabe, ezjakinak adimen-karga gutxiko jende izan daitezkeen bezala.
Abere kontzientzia
Abereek, jakin, badakite bizitzen erantzun oro jakinen balute bezala. Ez dakitena da erantzunik ez dakitela.
Adimen gaiztoa
Gaitz eta ongiaren arteko bereizketa izan zen, agian, adimenaren lehen zantzua. Adimen maila eskasa, alta, gaitza basapiztiekin eta ongia gizakiekin lotzean.
Naturaren Jaunartzea
Gainbehera hasi zen Natura adimena lortu zuenetik: hots, gizakia jaun bihurtu eta Jaunartzearen adinera heldu zenetik.
Bateraezintasunak
Justizia kapitalismoari, inteligentzia jainko orojakileari bezalatsu: suizidio izanen litzaioke lehenari, orojakiteari ukoa jainkoari.