Adituen mundu hau.

Adituen munduak bizi gaitu, baita kea erosterakoan ere. Eta ez zaizkigu falta kea saltzen adituak, super-azpiegituretan adibidez.

Aditu analfabetoak

Egon badaude Zuzenbidean adituak, analfabeto direnak eskubideetan.

Askatasunaren teknikariei deitzea mendetasunaren kudeaketa profesionalean oinarritzea da.

Heriotzaren teknikariei: zuen esku nola hil daitekeen inor hobe, baina noiz hil moriturien esku dadila.

Kopernikok jarri gintuen eguzkiari jiraka baina bezatu egin dugu gero geure izar nagusia: guk nahi dugun orduan hasten da dantzan.

Geure gaiztakerian baizik ez datza gauzen gaiztakeria.

Berak zuelakoan arazoaren irtenbide bakarra, arazoaren parte bat gehiago bilakatu zen.

Asepsiak denok hiltzea nahi duten horiek, aurretik gezatasunaz hiltzen ez bagara.

Ideietan azken modan egoteko grinak edonongo adabakiz jositako azken terminoa jantzi bihurtzera garamatza.

Historialariak, iragana aldatzeko espezialista horiek.