Ezin dugu paradisu bat ere sortu, bai ordea hamaika infernu. Eta amets egiten jarraitu.
ametsak
Errealismoan bizi?
Zahartzea zure bizitzaren une esperantzatsu hori iristeko berandu dela konturatzea da: inoiz ere benetan amestu ez zenuen une hura.
Goiz goizean
Venus leihoan.
Morfeoren altzoan
Goxoegi ni.
Amesgaiztoen adrenalina
Amesgaiztoak amets goxotzat dituzten horiek.
Ideia lotiak
Logurak eguneko azken erasoa egiten didanean, orduan etortzen zaizkit tropelka ideia gehiago: ametsak, ote, ene ideiak?
Asmakizun lazki erraza
Gutxi horien amets goxo-goxoak, gehienon amets-gaizto: norena premia handiena esnatzeko?
Gosea eta ametsak
Auto-aginduz goseak oheratzen direnek eta hetero-aginduz goseak kalezuloan lo egin beharrekoek, jaki berdinez amets?
Letra ametsak
Erne ibiliko bazen idazteari ekin behar ziolakoan, gau ametsak eta esnatu osteko amesgaiztoak erkaturik, idazteari egin zion uko.
Lana amets
Idazki hari hasiera bazkalondoan emanen niolako ametsa nuen, eta halaxe: goxo ekin nion idazteari siestako ametsetan.
Ametsen tentazioa.
Ametsen errutinan erori, haren mihisean goxo-goxo bildu, eta zertarako gero ametsak bete?