Ateismoaren bake dohatsuan bizi eta hil zen, jainkoaren beldurretik aske.
ateismoa
Kritikagarritasuna
-Urlia ez da Jainko.
-Beharrik! Are kritika gogorragoa eginen nioke bertzela!
Diagnostikatu ezinean
Agnostiko batzuei ateoi buruzko hainbat diagnostiko irakurrita, ez dakit nik zer diagnostiko eman agnostikoei buruz.
Jainkoarren!
Jainkorik ezean dena zilegi dela dioten askok euren jainkorekin nahi dutena dute zilegi ez ezik, bedeinkatua ere.
Norbere irudikoa
Nork bere Jainkoa du oraindik ere. Lastima Nietzscheren aldarria, desideratum batetik harago joan ez zen hura!
Jainkogabeok, errugabe.
Erlijioen egia handia: fedegabeko gizakiok, jainkogabeko gizaki. Beraz, Jainkoa hil bada, ez dugu guk hil.