Beldurrez heroi

Zeren beldurrak eraman zintuen, heroi hori, Herioren altzora?

Ateismoaren bake dohatsua

Ateismoaren bake dohatsuan bizi eta hil zen, jainkoaren beldurretik aske.

Euren erraneko heroi nahi gaituzte, euren beldurpeko heroi. Bertzela koldar bilautzat gaituzte. Aukeran, nik, bilau.

Gaurko gizakiok ez gara ez ausartenen ez indartsuenen oinordeko, beldurti inteligenteenen oinordeko gara.

‘Beldur’ hitzaren zentzu beldurgarrian, ez dakit beldurgarriena ez ote den beldurraren kulturaren aurreko gure beldurra.

Mistika asanblearioa dagoen bezala, holaxe ere apokalipsi asanblearioa. Eta jendearen ur-jario libretik edaten ikasiko bagenu?

Beldurrak mugiarazi nau edonora, baita heroiarena egin dudanean ere.

Prebentziozko beldur-terapiek beldurrari erronka egitera eraman dezakete.

Zeure izua kontrolpean jar dezakezu, nola edo hala, baina izua kudeatu, izugarriek kudeatzen dute.

Potroak ukabil batean, horixe izu-laborria! Are beldurgarriago, bertze baten ukabilean badituzu.