Mass media-ren egiak

Premisa nagusia, goebbels-tarra, errefusaezina: 3 + 3 = 5. 3 ematen didazu, eta abako hutsezinak erraten diguna: 2 gelditzen zaizu.

Egia hutsak.

Hedabide handiek hain dotore jantzitako egia biluzi horiek.

Guztiak faltsukeria, azken ordukoa egia.

Ongi dakigunez, eguzkia berriro ere hasi zen bira egiten lurraren inguruan, Galileoren aitortza ondoren.

Jainkoarengan sinestunak adina jainko.

Zure horiek inork sinesten ez dizkizunak, eta hobe horrela agian, jendea oker dabilela ere.

Buru jibarizatuak, non ideia bakar bat sartzen den, iritzi-guruek inokulatua.

Pentsamolde karratukoen ustez, euren egiak, egia biribilak.

Bistan dena norbaitek ez badu ikusten, zein begiradan galtzen da bistakoa?

Nork bere Historia, gezur berdaderoa. Eta guztion etorkizun ezbaikoa.