Aditu analfabetoak

Egon badaude Zuzenbidean adituak, analfabeto direnak eskubideetan.

Izar bila

Nork bere eskubidea begiak ixteko,

nork bere eskubidea behaztopa egin, erori

eta izarrak ikusteko,

nork bere eskubidea izar horietako bati heltzeko.

Gela itxien zale obsesiodunek soilik pentsa dezakete ateak irekitzea atera edo sartzeko behartzerik dela.

Bruselako prozesuak: Abiadura Handiko Prozesuak kontu neoliberaletan. Abiadura Geldoko Prozesuak, herritarron eskubide bideetan.

Denon eskubideak bermatzeko justizia sistema, guztion ondasunetan haien esku-sartze bideak bermatzen dizkiena.

Gosez, hotzez… zu hiltzeko eskubidedun horiek egiten dizute prediku bizitzeko eskubideaz.

Zuzenbide-estatu autoizendatuek okerbidetzat jo ohi dute eskubide-estatua.

Adin batetik aurrera, hainbat gauza ikusita, ezin espantuka hasi, baina barre-karkarak loka diezaguke baraila.

Monarkia eternal izan dadila nahi badute, berantetsi beharko lukete eta Zerura bidali hura, beranduago baino lehen.