Oker irakurri.

Idazkera unibokoek bakarrik sor ditzakete irakurketa okerrak.

Negoziatu

Negoziatu behar biziko bagara, areago eta batik bat nork bere buruarekin, une oro. Bai eta itunen irakurketa negoziatua adostu ere.

Asko irakasten du irakurtzeak: bertzeak bertze, zein ezjakin garen.

Zure irakurketa neuk ere eginen banu, zu bezain kritiko izanen nindukezu egilearekin. Ene buruarekin.

Webgune anitzen harpidetza doan izan daiteke. Haien irakurketen prezioa, aldiz, kario, farmazietan kitatzekoa.

Ortografia askatasuna, akastun.

Euren testuingurutik atera behar aipuak, bertan ur ez daitezen, baina beren uren zaporea galdu gabe. Gero, gure saltsan ondu.